یه‌كێتی له‌سه‌رده‌می خه‌یالی هه‌رزه‌كاره خائینه‌كانی دا
رێكان سه‌باح
ماوه‌یه‌كه میدیایی سێبه‌ره ژن راوێژكاره‌كان، له میدیاكانیاندا كه له‌ژێر ناوی “به‌قورئان سه‌ربه‌خۆ و ئه‌هلینه”، ده‌ستیان داوه‌ته چه‌ند ده‌سته‌واژه‌یه‌كی نوێی سیاسی وه‌ك “نه‌وه‌ی دوای تاڵه‌بانی و نه‌وه‌ی دووه‌می تاڵه‌بانی” و چه‌ند ناوێكی تر كه مه‌به‌ست لێی ئه‌و سێ چوار هه‌رزه‌كاره سیاسیه‌ی ناو یه‌كێتیه، كه له‌گه‌ڵ سه‌ربزربوونی تاڵه‌بانی له‌ژێر تایتلی شێخ و چه‌ند ده‌سته‌واژه‌یه‌كی تر سه‌ریان ده‌رهێنا له ناو یه‌كێتی دا، وه مه‌به‌ستی ئه‌و میدیایانه گه‌وره پێشاندان و بچوكبزركردنیانه له سیاسه‌تدا، به‌ڵام ئه‌م نه‌وه‌یه نه‌ك كاره‌ساتی مێژووی سیاسی یه‌كێتین، به‌ڵكو جۆڕ مۆدێلێكی دوور دیاری فشۆڵ و فاشلی سیاسین، ئه‌وه‌تا له خه‌یاڵ پڵاویاندا كه‌ركووكیان له كون فه‌یه‌كونێك راده‌ستی حشدی شه‌عبی كردوو، ناویشیان لێنا 31ی ئابی یه‌كێتی، ئه‌مه هیچ كه 16ی ئۆكتۆبه‌ر و 31ی ئاب له سیاسه‌تدا ته‌نها كۆڵه‌واره سیاسیه‌كانی كۆیله‌ی سه‌ده ده‌توانن به‌راوردی بكه‌ن، مه‌گه‌ر نا له سیاسه‌تدا ده‌رئه‌نجامه‌كانی 16ی ئۆكتۆبه‌ر ” هه‌وڵی شكانی بڕبڕه‌ی پارتی نه‌بوو، به‌ڵكو شكانی بڕ بڕه‌ی كورد بوو به‌گشتی ” وه‌لێ له ئه‌نجامی 31ی ئابدا، به‌پایته‌ختی كورد ناساندنی هه‌ولێر بوو، جا ئه‌م به‌راوه‌رده له سیاسه‌تدا رێك له به‌راورد كردنی ” پلایس و دۆمینه” ده‌چێت حه‌یاتم”.
یه‌كێتی كه ئێستا به ئه‌قلی هه‌رزه‌كاری سیاسی و درۆزنی سه‌ده و حورمه‌تسز” ده‌یه‌وێت لێخوره ده‌شته، قه‌ڵایی به‌رده‌م پێكهێنانی حكومه‌ت بكاته دیواری دوو ئیداره‌ی و خه‌یاڵ به خه‌وی خۆشی به‌هه‌رێم كردن و ده‌سه‌ڵاتی تاكره‌وی و شه‌قام سه‌وزیكردن و به‌رزكردنی گرده‌كان و گه‌وره‌كردنی وێنه‌ی به‌رپرسان له سه‌رشه‌قام ده‌بینێت، ده‌یه‌وێت قه‌زه‌یی فه‌له‌ستین و ئیسرائیل به پارتی چاره‌سه‌ر بكات، له‌كاتێكدا خاكی فه‌له‌ستین تاپۆی ژێر ده‌ستی ئیسرائیلیه‌كانه، جا ئه‌م چیرۆكه نه چیرۆكی مێشه و نه له زه‌هنی مێشدا نه‌خشێنراوه، به‌ڵكو رێك ده‌سته‌واژه‌ی به‌قودسكردنی كه‌ركووكیان سه‌پاند به‌سه‌ر كورد و كه‌ركووكیه‌كان و ئێستاش شینی قودس ده‌كه‌ن له‌كاتێكدا تاپۆیان خسته ژێر چنگی ” حه‌سه‌ن پلایسه‌كان”.
هه‌موو ده‌زانین یه‌كێتی له‌به‌غدا ره‌وایه‌تی پۆستی وه‌زیرێكی پێنادرێت و به شاندی كوردیش پێناسه ناكرێن، له‌كاتێكدا هه‌رزه‌كاره‌كانی ناو یه‌كێتی سه‌رمه‌ستی سه‌ركه‌وتنه ناو بۆشه‌كه‌ی به‌سه‌رخستنی حورمه‌تسزن، بێ خه‌به‌ر له‌وه‌ی پۆستی سه‌رۆككۆمار بێ ده‌سه‌ڵاتێك و بێ مه‌بده‌ئ، مه‌رجی بێ ئه‌ولاو ئه‌ولای ئێران بوو، نه‌ك وه‌سف و سه‌نایی میدیا ژنراوێژكاره‌كان، ئه‌وه‌ش له‌وه‌ها حاڵه‌تێكدا ئێران ناچار ناكات، پشگیری له هه‌نجرهه‌نجركردنی ئیداره‌ی كوردستان بكات، لێ یه‌كێتی له‌وه تێده‌گات؟
یه‌كێتی له‌پاش 17ی شوبات به‌ته‌واوی به‌دیلی دوو ئیداره‌ی له بایكۆت فه‌رمانگه‌كان و هێرشی سه‌رباره‌گاكانی پارتی و خۆپێشاندان و تیژكردنی میدیای ده‌ڤه‌ری سلێمانی له‌دژی پارتی و ئیرهابی فكری و چه‌ندان ده‌وره‌ی تری به‌دیلی دووئیداره‌ی تاقی كرده‌وه، له 16ی ئۆكتۆبه‌ر ویستی به خیانه‌ت و فرۆشتنی كه‌ركووك دۆخێك له ئاستی نێوده‌وڵه‌تی و هه‌رێمی بۆ دوو ئیداره‌ی و به‌لاوازی هه‌رێمێك دامه‌زرێنێت، به‌ڵام له‌وه‌شدا له سحێلا و پردێ ئاغاكریاره‌كانی تووشی شكه‌ست و سوتانی ئه‌براهمز هاتن”
ئێستا یه‌كێتی له نه‌فره‌تی هه‌ڵبژاردن و ره‌شكردنی مێژوو و ته‌فروتونابوونی جوگرافیا و سه‌دان باڵ و ده‌نوكی كۆڵدا، وه‌ره‌قه‌ی سوتاو و بێ ئه‌سله‌كانی وه‌ك بوكه‌به‌فرینه كردۆته قه‌ڵای به‌رده‌م پێكهێنانی حكومه‌ت و رێگا نه‌دان له به‌ئه‌نجام گه‌یشتنی هه‌ڵبژاردنی كوردستان و پێكهێنانی حكومه‌ت، به‌ڵام یه‌كێتی له‌وه‌دا بێ خه‌به‌ره، نه‌ك ره‌وشی ناوه‌خۆی هیچ ده‌رفه‌تی بۆ ئیداره‌ی خۆی نیه، نه‌ك بۆ ئیداره‌ی جوگرافیا، به‌ڵكو زه‌مینی دووئیداره‌ی له‌رووی یاسایی و شه‌رعیه‌تیش خه‌ونه به‌تاڵه‌كه‌ی ژێر ئه‌و په‌نده كورده‌یه كه ده‌لێت “ئه‌م نانه به‌م دۆشاوه‌یه”
كاتێك یه‌كێتی شه‌رعیه‌تی ئیداری نیه، له‌كاتێكدا ئه‌گه‌ر ده‌ست بۆ دوو ئیداره‌ی ببات پارتی له‌رووی شه‌رعیه‌ته‌وه، ده‌توانێت وا له به‌غدا بكات به‌هیچ شێوه‌یه‌ك ئیداره‌ی پڕ له كێشه‌ی یه‌كێتی،به ئیداره‌یه‌كی ده‌رچوو له یاسا و ده‌ستوور به‌ناو بكات، ئێرانی باوكیش له‌وه‌ها دۆخێك دا نیه، پاڵپشتی له‌وه‌ها هه‌نگاوێك بكات، بۆیه یه‌كێتی له‌سه‌رده‌می خه‌یاڵی هه‌رزه‌كاره خائینه‌كانی دا دووچاری دۆخێك ده‌بێت له‌چواركه‌سه زه‌حمه‌تكێشه‌كه‌ی كاك قادر عه‌زیزیش نچێت”.
