نیازە مەترسیدارەكانی دوو ئیدارەی لەكوێ هاتووە
دوای كۆنترۆڵكردنی یەكێتی لەژێر كاریگەریەكانی هێزەكانی ئەمنی ئەو حزبە و دارایی ئەو حزبە، ئەو باڵەی كە كەركووكی لەگەڵ بەغدادا خستە رێكەوتنێكی شكەستخواردوو، لە ئێستادا هەموو ئامانجە سیاسیەكانی لە جوداكردنەوەی سلێمانی مەلاس داوە، هەموو هەوڵێكی ئەوەیە سلێمانی یان زۆنی سەوز بەتەواوی دابرێتنێت لە هەرێمی كوردستان، ئەم هەوڵدانەش لەسەر بنەمایی ئەوە بنیات نراوە، كە دەیانەوێت بەتەواوی لە سنوری حۆیاندا ببنەوە هێزی یەكەم و بریار دەری دەڤەرەكە، روانگەی ئەو دیدگایە سیاسیە لەوەوە دێت كە ئەوان ناتوانن بۆ جارێكی تر هاوسەنگی سیاسی و پێگەی جەماوەری خۆیان لەو دۆخەی سلێمانی بەدەست بهێنەوە، بۆیە ناتوانن ( هاوسەنگی دەنگ و پێگەی لەبەرامبەر هەولێر بهێنە بوون) بۆیە لەو روانگەیەوە ئەوان هەنگاو بۆ ئەوە قۆناغە دابراوە دەبەن، كە ئەگەر هاتوو سلێمانی و زۆنی سەوز دابرێنرێت ئەوە بێ شك پەنا دەبەنە بەر چەسپاندنی دەسەڵات بەسەر ئەو ناوچەیە، بەم شێوەیە دەیانەوێت پێگەی خۆیان بەهێز بكەن لە سەركردایەتی یەكێتی و دەسەڵاتی یەكێـتی لەناو سلێمانی و زۆنی سەوز بەوەش بهێنەوە بەردەم پارتی.
هۆكارەكانی دووئیدارەی
ئەوان لەوەدا دڵنیان كە توانای ئیدارەی ئەو دەڤەرە بەشی ئەوە ناكات كە ئەو بودجەیە دابین بكەن، بۆ مووچە و بەكاربەر و پێداویستیەكان كارەبا و پرۆژەكانی شارەكان ئەم زۆنە، بەڵام نیازی ئەوان تەنها لە روانگەی سیاسیەكەیانەوە دێت نەك لە فرە رەهەندی ئیدارەی ئەو دوو ئیدارەیەی كە بەشی ئەوان دەكەوێتە زۆنی سەوز، دوای 16ی ئۆكتۆبەر یەكێتی لەرێگای تیمێكەوە، تەواوی داهاتی سلێمانی هەلسەنگاند بۆ ئەم دۆخە، بەڵام گەیشتنە قۆناغی كۆتایی لە وە ناتوانن ئیدارەی سلێمانی بدەن بەداهاتی سلێمانی و زۆنی سەوز، داهاتەكانی سەوز بریتین لە ( نەوت كە بەقاچاغ دەفرۆشرێت و غاز و داهاتی كومرگەكان) بەڵام ئەوە ناتوانێت لەرووی ئیداری تەنها بۆ ئەو مووچەیە دابنرێت كە سەدا 52ی مووچە خۆرانی كوردستان دەچێت بۆ سلێمانی، كەوایە پرسیار ئەوەیە ئەی ئەم هەنگاوەی سەركردایەتی نوێی یەكێتی لەپای چیە؟
بودجەی زۆنی سەوز
كۆی ئەو بودجەی كە بۆ زۆنی سەوز پێویستە، مانگانە بە 400 ملیۆن دۆلار مەزندە دەكرێت، كە كۆی سەدا 52ی بودجەی كوردستانە كە بۆ مووچە و بودجەی تەشغیلی و خەرجییە سیادییەكانی هەرێمی كوردستان دابەش بووە، بەم شێوەیە، بۆ مووچە مانگانە زۆنی سلێمانی كە تەواوی ئیدارەی زۆنی سەز دەگرێتەوە پێویستی بە315 سێسەد و پازدە ملیۆن دۆلار، خەرجی کارەبا : 36 ملیۆن دۆلار پێویستە، • بودجەی بەکاربردن ( تەشغیلی ) : 36.5 ملیۆن دۆلار.بەشی سلێمانی لە خەرجییە سیادییەکانی هەرێم ( مووچە و شایستە داراییەکانی پەرلەمانتار و وەزیر و پلە تایبەتەکان ) : 12.5 ملیۆن دۆلار. لەكاتێكدا داهاتی مانگانەی زۆنی سەوز (80) ملیۆن دۆلارە، پرسیار ئەوەیە ئایا بیر لەرووی ئابووریەوە هیچ ئامادەكاریەك هەیە، یان تەنها لەچوارچێوەی هیوای هاوشێوەی كەركووك لەسەر بەغدا هەڵێنجراوە؟
روانگەی مەترسیداری پشت دوو ئیدارەی چیە؟
ئەو سەركردایەتیە نوێیەی یەكێتی كە ئێستا سەركردایەتی یەكێتی گرتۆتە دەست، لەروانگەی سیاسیەوە، هەموو ئامانجەكانی لەسەر بنەمای هێز هەڵێنجراوە، جگە لەوەش روانگە و دیدگای سیاسی ئەو سەركردایەتیەی یەكێتی، تەنها لەچوارچێوەی میراتی یەكێتی دا ئاراستە دەبێت نەك خاوەن روئیایەكی ستراتیژی بۆ ئیدارەی دانی یەكێتی، لێرەدا پرسیار ئەوەیە، ئایا میراتی یەكێـتی بەسە بۆ ئەوەی ئیدارەی زۆنی سلێمانی بدرێت؟ ئایا ئەگەر ستراتیژیەتێك بۆ ئیدارە دان نەبێت، سەركردایەتی یەكێتی تەنها دەیانەوێت لەرێگای هێزەوە ئیدارە بدەن؟ كەوایە هێزەكانی تری جگە لە یەكێتی چ چارنووسێك چاوەروانیان دەكات لەو دەڤەرە؟ كۆی ئەو پرسیارانە لە نیەتی دوو ئیدارەی سەركردایەتی یەكێتی ئاراستە دەبێت، بەوەڵامی جوڵەكانیان لە مامەڵە كردن بۆ دوو ئیدارەی دێتە پێشەوە، كە سەركردایەتی یەكێتی بێ هیچ بەرچاو روونیەك ئەو هەنگاوە دەنێن بە پشت بەستن بەوەی كە سەركردایەتی نوێی یەكێتی بۆ هەموو كێشەكان دەست بۆ یەكڵاكردنەوەی هێز و ئیرهابی فكری میدیایی دەبات، كەوایە نیازی ئەو سەركردایەتیەی یەكێتی لە دابراندنی زۆنی سلێمانی لە هەولێر لەسەر بنەمای تەسفیە و بەكار هێنانی هێزە، ئەمەش بۆ هەر هێزێكی دووربین مەترسیدارە”.
چۆن گەیشتن بەم ئەنجامە
دوای ئەوەی لە هەردوو هەڵبژاردنی عێراق و كوردستاندا یەكێتی لەژێر فەزیحەتی(كۆپی باركۆدەكانی هەڵبژاردنی ئەلیكترۆنی و پاڵدانی دەرگای بنكەكانی هەڵبژاردنی كوردستان بۆ تەزویری) دەنگیش نەیتوانی بڵانسی دەنگەكانی بۆ گێرڤی هاوسەنی هێز بباتە پێشەوە، ئەو سەركردایەتیەی یەكێتی لەوەدا دڵنیابوو لەناو دابەش بوونی دەنگەكانی زۆنی سەوز دا ناتوانێت ببێتەوە خاوەن هێز و هاوسەنگی بۆیە دەكرێت روانگەی ئەساسی ئەوان لەو بنەمایە لەسەر ئەوە ساز بو بێت، كە بۆ ئەو ئاڵوگۆرچێیە پێویستیان بە وە بێت، كە دەست بۆ دابەشكردنی كوردستان لەسەر بنەمای دوو ئیدارەی ببەن، وەك دەبینرێت هەموو میدیاكان و نووسەرەكانیان خستۆتە ژێر ئەو بەرنامەیە، لە ئێستادا بە ئاشكرا و بەرووی ئەوە دەتركێنن كە ئەوان هەنگاو بۆ دووئیدارەی و جیاكردنەوەی زۆنی سەوز دەبەن، لەژێر ناوی جیاوازدا، بەڵام ئایا ئەو نیەتە سیاسیە ئەوەی نمایش كردووە بۆ ئەو هێزانەی دەرەوەی یەكێتی كەنیازی سەركردایەتی یەكێتی بۆ ئەم دۆخە مەترسیدارە؟!
سۆران عومەر و جوڵەی یەكێتی
روونترین شت بۆ هەر هێزێكی سیاسی ئەوەبوو كە سۆران عومەر لە ژێر ناسنامەی حزبێكی ئیسلامی كار بۆ سۆشیال دیموكراتەكەی یەكێتی دەكرد، بەدیاری كراویش لەژێر هەژموونی گوتار و بەیاننامەكانی ( دژە تیرۆر و دەزگای زانیاری دا) دەركەوت، هەر دوای ئەوە كە لە پەرلەمان لەسەر داوای داواكاری گشتی پارێزبەندی لەسەر سۆران عومەر هەڵگیرا، ئیتر هەموو پرۆ یەكێتیەكانی ناو گۆڕان و كۆمەڵ و یەكگرتوو بەگرخران و دەستیان گەرمكرا بە وتار نووسین و هەڵوێست پێشاندان، بەڵام ئەوەی كە پرۆ یەكێتیەكانی ناو حزبەكانی تری تووش شەرمەزاربوونێكی زۆر كرد دووبارە بوونەوەی ئەو هەڵگرتنەی پارێز بەندیەی بەغدا بوو كە ئەوانی لەبەردەم جەماوەری خاوەن عەقل تووشی شەرمەزار و روو زەربوونەوە كرد، ئەوەش وایی كرد رووی راستی پرۆیەكێتیەكانی ناو حزبەكان، بخرێنە گونجێكی زۆر شەرمەزار كەر و روو ئاشكرابوو”.
