ئێستا دژه ده‌وڵه‌ت و گه‌نده‌ڵ له‌یه‌ك به‌ره‌دان دژ به ئازادیخواز و ده‌وڵه‌تخوازدا
رێكان سه‌باح
ماوه‌یه‌كی زۆر باس له دوو به‌ره‌ی دژ به‌یه‌ك له‌ریفراندۆم ده‌كرێت، به‌ڵام پێناسه‌ی ئه‌و دوو به‌ره‌یه، زۆر بێ وێژدانانه بۆ خه‌ڵك ده‌كرێت، بێ ئه‌وه‌ی وه‌ڵامی كۆمه‌ڵێك پرسیار بده‌نه‌وه، كه ئایا به‌راستی به‌ره‌ی جاشفكر = به‌ره‌ی دژه ده‌وڵه‌ت+ گه‌نده‌ڵ ، جیاوازن، له‌ریفراندۆمدا، دووبه‌ره‌ن، یان هه‌ردووكیان یه‌ك سه‌نگه‌ری دژه ئازادیخواز و ده‌وڵه‌تخوازن؟ ئالێره‌دا بێ ویژدانی سیاسی و گه‌نده‌ڵ و جاشفكر، ناتوانن وه‌ڵامی راست هه‌ڵبژێرن، چونكه دواجار هه‌ردوو گروپ، چ ئه‌وانه‌ی دژه ده‌وڵه‌تن، چ ئه‌وانه‌شی گه‌نده‌ڵن، له‌یه‌ك خاڵدا یه‌كده‌گرنه‌وه، ئه‌ویش دژایه‌تی كردنی ریفراندۆم و ده‌وڵه‌تداری كورد، چونكه تۆڕی گه‌نده‌ڵ باش له‌وه تێگه‌یشتووه، مانه‌وه‌ی هه‌رێم حكومه‌تی ئاگر و ئاسن، هه‌ڵگری به‌ده‌یان به‌هانه‌ی مانه‌وه‌یه، كه كه‌س ناتوانێت ئاسان بیگۆڕت، ده‌ستی بۆ ببات، ئالێره‌دا جاشفكره‌كان، ده‌چنه حیسابی باڵانسی گه‌نده‌ڵه‌كان، ئه‌م گه‌نده‌ڵانه چ له‌ناو حزبه‌كان به‌هه‌رپێنج حزبه‌وه، چ له‌ناو حكومه‌ت و ئیداره‌ی شاره‌كانه‌وه، هه‌موویان یه‌ك جۆڕ فكرن، له‌به‌رامبه‌ر مانه‌وه‌ی هه‌رێم و حكومه‌تی لۆكالیه‌كان و فیدرالی له‌هه‌رێمدا، چونكه چۆن توانیان 26 ساڵی رابردوو له‌ژێر یه‌كجۆڕ دروشم درێژه به گه‌نده‌ڵ بوون بده‌ن كه بریتی بوو له ( ئێمه هه‌رێمین و مه‌ترسیی له‌ده‌ستدانی ئه‌زموونه‌كه‌مان هه‌یه) ئا ئه‌وهاش ده‌یانه‌وێت هه‌ڵگری ئه‌و دروشمه بمێنه‌وه، رێگری له‌ده‌وڵه‌ت بكه‌ن، كه له‌ناو ئه‌و ده‌وڵه‌ته‌دا له‌ناوچوونیان هه‌رزانتر و ئاسانتر ده‌كات.
دروشمه‌كانی جاشفكر و گه‌نده‌ڵ و مافیاكان له‌ئێستادا یه‌ك جۆڕ دروشمه، هیچ جیاوازیه‌كی له‌نێواندا نیه، ئه‌وانه‌ی هه‌وڵده‌ده‌ن، برسی بوون بكه‌نه، وێنه‌ی پاش ریفراندۆم و سه‌ربه‌خۆی، سود وه‌رگری ئه‌و ڤایرۆسه‌یه، كه به‌درێژای مێژوو چۆته جه‌سته‌ی بزووتنه‌وه‌ی رزگاری خوازی كوردستان، كه یه‌ك پێناسه‌ی هه‌یه و هێشتا واتای تری لێبه‌دی نه‌كراوه، ئه‌ویش(جاش)ه، ئه‌م جۆڕه تێفكرینه و پاساوه، یه‌ك ئامانجیان هه‌یه مانه‌وه‌ی كورده له‌و جۆڕ پێناسه‌یه كه پێان بلێن، له‌به‌ر ئه‌وه‌ی ده‌وڵه‌ت نین، ناتوانین ده‌ست بۆ هه‌موو شت ببه‌ین، ئه‌مه‌ش یه‌كجۆڕ پێناسه‌ی هه‌یه، ئه‌ویش به‌رده‌وام بوونی پرۆسه‌ی گه‌نده‌ڵسازیه‌كه‌یه، كه ئه‌م جۆڕه عه‌قلیه‌ته هیچ ده‌رفه‌تی مامه‌ڵه‌ی تێدا نیه، ناتوانیت به‌هیچ پاساوێك، په‌ڵكێشی چاره‌سه‌ری بكه‌ت، تا ئه‌وكاته زه‌مینه‌ی ترسی له‌ده‌ستچوون له‌به‌رده‌ستی ئه‌و جۆڕ گه‌نده‌ڵ كۆتای پێ نه‌هێنی.
ئه‌و چه‌مكانه‌ی كه هانی مانه‌وه‌ی گه‌نده‌ڵ و وێرانكاری مافیا ده‌دات، پێكهاتوون له كۆمه‌ڵێك بابه‌تی سه‌ره‌تایی چه‌واشه‌كاری، كه گه‌نده‌ڵ به‌هاوكاری جاشفكر، كاری له‌سه‌ر ده‌كات، ئه‌وانیش بریتین، له ( كاره‌بام نیه ده‌وڵه‌تم بۆچیه! ئاوم نیه ده‌وڵه‌تم بۆچیه! مووچه‌م نیه ده‌وڵه‌تم بۆچیه!) ئارێك ئه‌و جۆڕه داهێنانه داهێنانی هه‌موو ئه‌و گه‌نده‌ڵ و فاشیستانه‌یه، كه خۆیان هۆكاری خوڵقاندنیانه، له‌په‌نای میدیا زه‌به‌ڵاحه‌كانه‌وه، ئاراسته‌ی ناو سینگی سته‌ملێكراو كراوه، كه به‌رده‌وام بیلێته‌وه، بێ خه‌به‌ر له‌وه‌ی هێشتنه‌وه‌ی ئه‌م دۆخه له‌ژێر ناوی ده‌وڵه‌تم بۆچیه، هیچ یه‌كانگیر نیه، له‌گه‌ڵ ده‌وڵه‌تدا، چونكه پێناسه‌ی ئه‌و جۆڕ چه‌مكانه، به‌مه‌به‌ست تێكه‌ڵاو كراوه به‌ده‌وڵه‌ت، نایانه‌وێت راستی مه‌به‌سته‌كانی پشت ئه‌م جۆڕه گرفتانه ئاشكرا بكه‌ن، ئه‌وه‌ی مووچه نادات، یان كاره‌با نادات، یان ئاو نادات، حكومه‌ته ئیداری و سیاسی و ئابووریه دابه‌شبووه‌كه‌ی كوردستان، كه چ له‌ئاستی حكومه‌تی لۆكالی چ له‌ئاستی حكومه‌تی هه‌رێم هه‌ڵگری ئه‌و به‌رپرسیاره‌ن، نه‌ك ده‌وڵه‌ت كه پێناسه‌ی به‌نه‌ته‌وه بوونی كورد و شوناسی نه‌ته‌وه‌یه‌كی زوڵم لێكراو ده‌كات، ئالێره‌دا بۆت روون ده‌بێته‌وه، گه‌نده‌ڵ و جاشفكر، له‌یه‌ك سه‌نگه‌رن، له‌به‌رامبه‌ر ئازادیخواز و ده‌وڵه‌تخوازدا”.
چركه ساتی تێدا ژیانی جاشفكر، چ له‌رووی سایكۆلۆژی تاوانبارێكی گه‌وره‌یه، چ له‌رووی داهاتووی نه‌وه‌كان مه‌ترسیداره، چونكه هه‌ڵگری بۆچوونی( كاره‌بام نیه ده‌وڵه‌تم بۆچیه! یان جۆڕه‌كانی تر، له‌رووی تێگه‌یشتن و رسته‌سازی ماناكاندا، ده‌تهێنێته ئه‌و باوه‌ڕه كه ئه‌م كه‌سه له‌چه‌قی ئه‌و ساته ده‌ژیت كه تێیدایه، بێ ئه‌وه‌ی بیر بكاته‌وه، كه چارنووسی منداڵه‌كانی به‌ره‌و كوێ ده‌روات له بێ ده‌وڵه‌تی دا، ئاخر بێده‌وڵه‌تی ته‌نها له‌به‌ر ئه‌وه‌ی تۆ له‌و كاته‌دا كاره‌با و ئاوت نیه، باشتر بێت یه‌كجۆڕ پێناسه‌ی هه‌یه، ئه‌ویش ئه‌وه‌یه من خۆش بژیم منداڵه‌كه‌م سه‌ر به‌قه‌بری باوكی بێت، ئه‌مه‌ش بێ هیچ زه‌مانێك ناخرێته روو كه ئایا ئه‌گه‌ر ده‌وڵه‌ت نه‌بێت، ئه‌م كاره‌بایه و ئه‌م ئاوه و ئه‌م مووچه‌یه، ده‌هێنێته بوون؟ بێگومان هیچ له‌دۆخه‌كه‌ی ناگۆڕێت، به‌ڵام ئایا بۆچی وا ده‌لێت، چونكه جاشفكر و گه‌نده‌ڵه‌كان، هه‌ڵگری به‌رژه‌وه‌ندی نه‌بوونی ده‌وڵه‌تن، قازانجی ئه‌وان له بێ ده‌وڵه‌تی دایه، چونكه له‌بێده‌وڵه‌تی دا زنجیر كردنی كۆمه‌ڵگه له‌ژێر ناوی ئه‌زموونه‌كه‌مان له‌ده‌ست ده‌چێت، باشتر به‌رجه‌سته‌ی به‌رده‌وامی گه‌نده‌ڵی و درێژه پێدانی دزی ده‌كات، كه‌سیش به‌قه‌ده‌ر گه‌نده‌ڵ خاوه‌ن ده‌سه‌ڵاتی گه‌یاندنی ئامانجه‌كان نیه، به‌شێوه‌یه‌ك گه‌نده‌ڵ ده‌توانێت له‌رێگای میدیا دا سه‌دان وێنه‌ی به‌م شێوه‌مان بۆ بنه‌خشێنێت”.
جابۆیه هیچی تر رێگا به‌وه نه‌ده‌ین، گه‌نده‌ڵ و مافیاكان، به‌هاوكاری جاشفكره‌كان، چیتر له‌ژێر ناوی به‌ره‌كاندا، پێناسه‌ی خۆیان بكه‌ن، به‌شێوازی و ده‌سته‌واژی جیا ئیمپراتۆری گه‌نده‌ڵی خۆیان له‌ژێر ناوی ئه‌زموونه‌كه‌مان له‌ده‌ست ده‌رده‌چێت، به‌رده‌وامی پێ بدرێت، چونكه پێناسه‌ی رزگاری له‌و زنجیركردنه‌ی كۆمه‌ڵگه ته‌نها ده‌وڵه‌تسازی و به‌ده‌وڵه‌ت بوونه، چونكه دواجار هه‌ر ده‌وڵه‌ته ده‌توانێت حكومه‌ت بگۆڕێت، فشاره‌كانی كۆمه‌ڵگه بۆ سه‌رده‌سه‌ڵاتدار به‌رهه‌می ده‌سه‌ڵاتی گه‌ل له‌ده‌وڵه‌تدا ساز بكات، نه‌ك هه‌رێم و مانه‌وه‌مان له‌ژێر زنجیری گه‌نده‌ڵكاران به‌ناوی ئه‌زموونه‌كه‌مان له‌ده‌ست ده‌رده‌چێت”.
