سێ کوچکەی فیتنە
هێرۆ و نەوشیروان و مالیکی
سامان هەڵه‌بجەیی
هێرۆ برایم ئەحمەد و نەوشیروان مستەفا و نوری مالیکی بوونتە سێ کوچکەی فیتنەو ئاژاوەگێڕی، ئەوانە هەرسێک بەیەکەوە لەبەرەیەکی شوم یەکیانگرتووەو خەریکی پیلانگێڕین بۆ تێکدانی سلێمانی و کوردستان، لەئێستاشدا بەهۆی قەیرانی دارایی لەهەوڵی چڕدان بۆ ناونەوەی فیتنەیەک لە هەرێمی کوردستان.
هێرۆ برایم ئەحمەد ئەگەر بیچوێنێن بە کەسێک ئەوا ڕێک لە (جیانگ كینگ) بێوەژنەکەی (ماو تێسێ دۆنگ) دەکات، کاتێک لەگەڵ سێ بەرپرسی باڵای دیکەی چین بەرەیەکی دروستکرد کە ناونرابوو بەرەی چەتەکان، دەستی بەسەر هەموو جومگەکانی حزبی و دەسەلاتەکانی وڵاتەکەیدا گرت و بەناوی پارێزگاری کردن لە شۆڕشی ئەو وڵاتە هەزارەها تاوانی دژ بەگەلەکەی ئەنجامدا، دواتر لە١٩٧٦پاش مردنی (ماو تسى) بێوەژنەکە لەگەڵ ئەوانی تردەستگیرکران و لە ساڵی ١٩٩١لە بەنیخانەدا خۆی کوشت، هێرۆ برایم ئەحمەد ڕێک لەو بێوەژنە دەچێ، چارەنووسی ئەویش لەدوای مام جەلال لەو باشتر نابێت، گەرچی مام جەلال ڕێزی زۆر هەیە، چونکە بۆ ئێمەی کورد مام جەلال کەسایەتیەکی سیاسی دیار و خەباتکارێکە هەمیشە ماییەی ڕێزە.
نەوشیروان مستەفا لەوەتەی هەیە دەستی ڕەشە بە خوێنی خەڵک، هێندەی ڕۆڵەی ئەو نیشتیمانەی لەخۆڕا کوشتووەو بەکوشت داوە نیو هێندە بەرامبەر دوژمن نەوەستاوە، نەوشیروان وەک (پۆل پۆت)ی دیکتاتۆری کەمبۆدیایە، (پۆل پۆت) کەدەسەڵاتی گرتەدەست لە کەمبۆدیا دانیشتوانی وڵاتەکەی سێ ملیۆن و نیو کەس بوو ئەو یەک ملیۆنی لێ بەکوشتدان، دواجار لە چۆڵەوانییەک بەتەنها بەبێ ئەوەی کەس بەدەورییەوە بێت لەژێر دارێکەوە مرد، دەست ڕەشی و تاونکارییەکانی نەوشیروانیش ڕێک لە(پۆل پۆت) دەچێ، نەوشیروان مستەفا پۆل پۆتی کوردەو لەداهاتووشدا وەک ئەو دەمرێ.
نوری مالیکی شوفێنی و دوژمنی سەرسەختی کوردە، لەسێ لاوە دوژمنایەتیمان دەکات، وەک کەسێکی مەزهەبی و وەک عەرەبێکی شوفێنی و خاوەنی گرێیەکی دەرونیشە بەرامبەر کورد، مالیکیش لە عەلی حەسەن مەجید دەچێ، ئەگەرلەدەستی هاتباو دەسەڵاتی هەبوایە وەک عەلی کیمیاوی بە کیمیاوی لە کوردستانی دەدا، هەربۆیە مالیکی بۆ ئێمەی کورد هیچ جیاوازییەکی لەگەڵ عەلی کیمیاوی نییە، بەڵگەش بۆ ئەوە بڕینی بودجە و مووچەی فەرمانبەران و قوتی خەڵک و شیری منداڵانی کوردستانە، ئەو پاشە ڕۆژەی کیمیاویی پێی گەیی مالیکی هەمان پەت دەخاتە گەردنی.
لەگەڵ هەموو ئەوانەدا هێرۆ برایم ئەحمەد و نەوشیروان مستەفا لەخزمەتی مالیکی کیمیاویدان و لەچوارچێوەی هاوپەیمانیەتی و بەرەیەکدا پشتگیری دەکەن بۆ دژایەتیکردنی کوردو بەیەکەوە وەک سێ سەر لە پیلانگێڕی و فیتنەناوەو ئاژاوەگێڕیدان، بەڵام چونکە هاوپەیمانیەتیەکەیان ناپیرۆز و شوم و نەفرەتییە، جگە لە ناشیرینی و نەفرەتی شتێکی دیکەیان بۆ نامێنێتەوەو میللەت وەک چۆن (بێوەژنەکەی ماو و پۆل پۆت و عەلی کیمیاوی) بەنەفرەت کرد، ئاواهاش ئەوانە بە نەفرەت دەکات.
