خواردنى مۆز ده‌بێته هۆى سه‌ڵامه‌تى چاو
ئه‌نجامى توێژینه‌وه‌یه‌كى نوێى زانستى پیشانى داوه ، نه‌ته‌نیا خواردنى رۆژانه‌ى یه‌ك دانه سێو له رۆژدا به‌ڵَكو خواردنى مۆزێكیش ده‌توانێت سوودێكى زۆرى بۆ ته‌ندروستى و چاوه‌كان هه‌بێت .
توێژه‌ران له لێكۆلینه‌وه‌یه‌كى زانستى له زانكۆى كوئیزلاند له ئۆسترالیا پیشانى داوه كه خواردنى رۆژانه‌ى یه‌ك دانه مۆز ده‌بێته هۆى به‌هێزبوون و سه‌ڵامه‌تى چاوه‌كان و رێگه به نه‌خۆشییه‌كانى په‌یوه‌ست به چاو ده‌گرێت .
توێژه‌ران بۆیان ده‌ركه‌وتووه كه مۆز له كارۆتنۆئید پێكهاتووه، كه هۆكارى بۆ دروستبوونى ره‌نگى سوور،نارنجى یا زه‌ردى میوه و سه‌وزه‌وات ، وله نێو جه‌رگى مرۆڤ ده‌گۆرێت به ڤیتامین ئه‌ى كه به فاكته‌رێكى گرنگ بۆ سه‌ڵامه‌تى چاوه‌كان هه‌ژمار ده‌كرێت .
توێژینه‌وه‌كانى رابردوو پیشانى دا بوو، ئه‌و جۆره مادده خۆراكییانه‌ى كه له رێژه‌یه‌كى باش كارۆتنۆئید پێكهاتوون ئه‌و كه‌سه له هه‌مبه‌ر تووشبوون به نه‌خۆشییه‌كانى درێژخایه‌نى وه‌ك ” هه‌موو جۆره‌كانى شێرپه‌نجه ، نه‌خۆشییه‌كانى دڵ – خوێنبه‌ره‌كان و شه‌كره ده‌پارێزێت . هه‌روه‌ها ئه‌و توێژینه‌وه‌یه پیشانى داوه كه مۆزه له كاروتنۆئیدكانى پروو ڤیتامین A له خۆگرتووه كه یارمه‌تى كه‌مبوونى ڤیتامین ئه‌ى ده‌گرێت .
