ئەمڕۆ موچەی هێزەكانی پێشمەرگە دابەشدەكرێت
وەزارەتی دارایی رایدەگەیەنێت، ئەمڕۆ موچەی هێزەكانی 70 و 80 دابەش دەكرێت و بۆ رۆژانی داهاتووش وەزارەتی پەروەردە و تەندروستی موچە وەردەگرن.
وه‌زاره‌تی دارایی و ئابووری حكومه‌تی هه‌رێمی كوردستان پێشتر رایگەیاندبوو، ئه‌مڕۆ دووشه‌ممه مووچه‌ی 70 و 80ی سه‌ر به وه‌زاره‌تی پێشمه‌رگه دابه‌ش ده‌كرێت.
هەروەها بەگوێرەی ئەو خشتەیەی كە پێشتر راگەیەندراوە، رۆژی سێشه‌ممه 11ی شوبات، مووچه‌ی وه‌زاره‌تی په‌روه‌رده و هەروەها رۆژی چوارشه‌ممه‌ش 12ی شوبات، مووچه‌ی وه‌زاره‌تی ته‌ندروستی دابه‌ش ده‌كرێت.
