كەشناسی هه‌رێم: لە ھەندێك ناوچە بەفر دەبارێت
بەڕێوەبەرایەتیی گشتیی کەشناسی و بوومەلەرزەزانیی ھەرێمی کوردستان، پێشبینییەکانی کەشوھەوای 48 کاتژمێری داھاتووی بڵاو کردەوە و تێیدا ئاماژە بەوە دراوە، ئه‌مڕۆ له سه‌رجه‌م پارێزگاكان ئاسمان نیمچه‌هه‌ور ده‌بێت، پاشان بۆ هه‌ورى ته‌واو ده‌گۆڕێت و له‌دواى نیوه‌ڕۆ بارانبارین ده‌ست پێده‌كات، به‌فریش له ناوچه شاخاوییه سنوورییه‌كان و لووتكه‌ى شاخه‌كان ده‌بارێت.
کەشناسیی ھەرێمی کوردستان ئەوەشی خستووەتە ڕوو، سبەى دووشه‌ممه، له سه‌رجه‌م پارێزگاكان ئاسمان نیمچه‌هه‌ور ده‌بێت، ئه‌گه‌رى بارینى نمه‌باران هه‌یه، ئه‌گه‌رى به‌فربارین له هه‌ندێك ناوچه‌ى شاخاویی سنوورى هه‌یه.
