پارێزگارێ دهۆکێ ب کۆژمێ زێدەتر ژ چوارملیار دیناران هژمارەکا پرۆژێن خزمەتگۆزاری رەوانەی جێبەجێکرنێ کرن
پارێزگارێ دهۆکێ راگەهاند: هژمارەکا پرۆژێن خزمەتگۆزاری رەوانەی جێبەجێکرنێ کران ب کۆژمێ زێدەتر ژ چوارملیار دیناران .
راگەهاندنا پارێزگەها دهۆکی بەڵاڤکر کو ئەڤرۆ رۆژا چوارشەمبی رێکەفتی ٢٠٢١/٨/٤ ، “د.عەلی تەتەر” پارێزگارێ دهۆکێ ب کۆژمێ چوارملیار و سەدوسێزدە ملیون دیناران، دوازدە پرۆژێن خزمەتگۆزاری دچوارچووڤێ رەزامەندیێن حکومەتا هەرێما کوردستانێ رەوانەی جێبەجێکرنێ کرن و هژمارەکا دی یا پرۆژێن خزمەتگۆزاری دقوناغا راگەهاندن وتەندەکرنێ دانە و ئەو پرۆژێن هاتینە رەوانەکرن ئەڤێن ل خوارێ نە:
– چێکرنا جادێن نافخۆیی ل سەنتەرێ ناوچەداریا قەسروک.
– چێکرنا رێکێن نافخۆ ل کۆمەلگەها چرەی و چێکرنا رێکێن نافخۆ ل سەنتەرێ ناوچەداریا باعەدرێ.
– چێکرنا رێکێن نافخۆ لسنورێ ناوچەداریێن رزگاری و دەرکارێ.
– چێکرنا رێکێن نافخۆیی ل سەنتەرێ ناوچەداریا باتیفا و کۆمەلگەها بێگۆڤا.
– قێرکرن و کونکریتکرنا رێکێن نافخۆیی ل سەنتەرێ ناوچەداریا مانگێشکێ و کۆمەلگەها باگێرا.
– چێکرنا سۆلینەکا چوارگوشە ل تاخێ مالتا خوارێ ل سەنتەرێ باژێرێ دهۆکێ.
– قێرکرن و کونکریتکرنا جادێن نافخۆیی ل کۆمەلگەها قەدش ب درێژاهیا ١١٠٠م و چێکرنا رێکا تاخێ کولانا قۆچا ب درێژاهیا ٣٧٠ میتران و چێکرنا شوستا ل سەنتەرێ دەڤەرداریا ئامێدیێ.
– چێکرنا سولینەکا چوارگوشە ل تاخێ ماسیکێ سەنتەرێ باژێرێ دهۆکێ.
– چێکرنا جادێن نافخۆیی ل سەنتەرێ ناوچەداریا کەلەکچی.
– چێکرنا رێکا گوندێ باوەرکا کەعبێ و رێکا نافخۆیی ل گۆندێ سیارەتیکا و چێکرنا جوکێن ئاڤدانێ ل گۆندێ سکرین و چێکرنا جۆکێن ئاڤدانێ ل سیارەتیکا ل سنورێ ناوچەداریا سەرسنکێ.
– چێکرنا رێکێن نافخۆیی ل گوندێن زێوە و کانی بەلاڤێ و کەلا شێخۆ و بابیرێ و غلبیشێ و گۆلێ و ئەرزێ و چێکرنا رێکا سەرەکی یا گۆندێ ئەرەدنا ل ناوچەداریا بامەرنێ.
– سەخبێریکرنا رێکێن نافخۆیی ل گۆندێ گوهەرزێ و گوندێ بەرچی و گوندێ بەلاڤە ل سنورێ ناوچەداریا دێرەلۆکێ.
