گۆڕان میراسی نەوشێروان و تاڵەبانی پەلكێشی بەردەم مێژووێكی رەش دەكات

رێكان سەباح

تا ئەو چركە ساتە گۆڕان لەژێر ناوی دەوڵەتی دیكتاتۆریمان ناوێت، یان لەژێرناوی میرنشینی بارزانیمان ناوێت، دەوڵەت رەفز دەكەن، بەشێوەی ئاشكراش وردە وردە دێنە ناو گۆڕەپانەكە، تا ئاستێكیش روئیای خۆیان لەسەر ریفراندۆم پێشان دەدەن، بەنەخێر دەستیان كردووە بەهەڵمەتی دژایەتی، لەژێر ناوی قسەكەری فەرمیش دوفاقێیەتی خۆیان نیشان دەدەن، ئالێرەدا، پرسیار ئەوەیە ئایا كوردستان دەتوانێت بچێتە قۆناغی دیكتاتۆری سەرتاسەری یان هەر ئەو دیماگۆجیەتەیە، كە سەربەهەمان تەوژمی گەونجاندن و بەگێل زانینی خەڵكە؟ كوردستان خاوەنی دوو جێ نفوزی سیاسیە كە هیچ كات ئەو دوو جۆڕ نفوزە لەناو ئەو مێژووی قایمە كەلتوریە سیاسیەدا كاڵ نابێتەوە، ناتوانێت هیچ یەكێك لەو دوو نفوزە سیاسیە، تێكەڵ بە دەسەڵاتێكی دیكتاتۆری مەركەزی بكرێت، ئەمە ئەو واقیع حاڵەیە كە گۆڕان دەیەوێت لەپشتی ئەو واقیع حاڵە بۆ بەرژوەندی خۆی تێكەڵ بە بابەتی ریفراندۆم و سەربەخۆی كوردستان بكات، ئالێرەدا بۆت روون دەبێت كە گۆڕان لەچ فەزایەكی بەرچاو تاریك و وێران هەنگاو بۆ پرسێك دەنێت لەسەر خاكێك كە سەرتاپای ئەو خاكە، پڕە لە باجدانی ناسەربەخۆی”.

سنوری سلێمانی و هەولێر دوو جۆڕ نفوزن كە هیچ كات لەدەوڵەتێكی مەركەزی و دیكتاتۆری دا جێ پێی ناكرێتەوە، ئەم كەڵتورە سیاسیەش ئەوەندە ئاسان و سادە نیە، وەك ئەوەی گۆڕان لێی تێگەیشتووە، كە بە سەربەخۆی كوردستان، لەبار دەچێت، ئالێرەدا گۆڕان لەگۆڕەپانێكی ناواقیعی دا سەدای هاش و هۆشی بەرچاو تاركی، دەبیسترێت، ئاخڕ گۆڕانێك كە بانگێشەی بۆ رێبەرەكەی بە 50 ساڵ خەبات دەكات، ئێستا لەبەردەم ئەو پرسیارەیە، خەباتی سەركردەكەی لەپێناوی چیە؟ ئایا كوردستان لەنێوان هەڵبژاردنی نان و ئازادیە، ئەگەر ئەوە حەقیقەتی گۆڕانە، كەوایە، ئەو مێژووەی سەركردەكەی هیچ واتایەكی بۆ كورد و بزووتنەوەی رزگاری خوازی كوردستاندا نیە، ئەو جۆڕ روانگەیە، پێمان دەلێت كە گۆڕان لەبەرامبەر بەرەنگار بوونەو و نەفرەتی دایە، دروشمەكانیشی بۆنەتە شێرپەنجەیەكی تر بۆخۆی، چونكە كەس بەقەدەر گۆڕان بانگێشەی ( ئازادی) نەكرد، بەڵام ئێستا گۆڕان نەك ئازادی نەتەوەیەكی بەڵاوە گرینگ نیە، بەڵكو خەباتی رێبەرەكەشی كە 50 ساڵەی بانگەشەیەتی” خەباتیەتی خستۆتە ژێر نەفرەتی و نان و نەفرەتی لەمێژووی خەباتی كوردستانی هەڵبژاردووە”.

سنوری گۆڕان هیچ هێلێك و بەهایەكی سیاسی و ئەخڵاقی تێدا جێگیر نیە بەروونیش هەستی پێدەكرێت، تا ئەو دەرەجەیە كە ئامادەیە، لەهەموو داگیركەرەكانی كوردستان زیاتر دژ بە سەربەخۆی كوردستان بێت و بچێتە كەمپینی نەخێردا، ئاخر بیانوەكانی گۆڕان بەراورد كردنێكی واقیعی و لوژكیانەی تێدا نیە، ئەوەشی دەیكات، زیاتر نەهێشتنی كەلتورە سیاسیەكەیە، كە دەیخاتە بەردەم مێژووێكی رەشدا، گۆڕان ئەگەر راست دەكات میراسی نەوشێروان و تاڵەبانی دەپارێزێت، دەبێت ئەوەش بزانێت بەنەخێر وەڵامدانەوەی ریفراندۆم و سەربەخۆی كوردستان، خستە بەردەم مێژووێكی رەشی ئەو میراسەیە، كە مێژووێكی قوڵی سیاسی هەیە، ئاخر ئەگەر وابریارە رێبازەكان بچێتە چوارچێوەی مانەوە و بەردەوامی بوون، ئەوە بوونی میراسی تاڵەبانی و نەوشێروان لە جۆڕ پەیوەندیەكی تر و سیاسەتێكی ترە، لە بەردەم ریفراندۆم، چونكە ئەوەی دەستی بۆبراوە، بابەتێكە كە كورد بەدرێژایی مێژوو قوربانی بۆ داوە، هیچ كاتیش سلی لەنان نەكردۆتەوە، گوێشی بەفۆرمەكەی نەداوە، كە لەچوارچێوەی نەخێری پۆپۆلیستەكانی ناو گۆڕاندا، وەڵام بدرێتەوە”.