چوار وەڵام بۆ وشیارعەبدوڵا لە بارەی ریفراندۆمەوە.
یاد سرێشمەیی
بەرلەوەی وەڵامەكانتان بۆ بنوسم لە وتارێكتدا باست لە نوكتەیەك كردووە دەیی نوكتەكەی ئێوەش( بە عەبادی ..عەبادی دەستی پێكرد, بەناردنی بودجەی كوردستانیش كۆتای هات لە مانگی یەكی ئەمساڵ)
– یەك: یەكخستنەوەی هەوڵەكان و بێدەنگ نەبوون لەبەردەم پرسە نیشتیمانیەكان تۆ بە سڕكردنی كۆمەڵگا دەزانی, ئەی بێزەحمەت چوونە ژێر باری نەیارانی كوردستان‌و لێدوانە لینگاوقوچەكانی تۆ دژ بە كوردستان بۆ (عێراقێكی بەهێز) وەك خۆت گووتەنی چ ناوێكی هەیە؟
– دوو: گریمان ئەوە پارتی و یەكێتی راستگۆ نەبوون لە بەجێگەیاندنی ئەو پرسە, ئەی حزبەكەی جەنابت چی كە دووەم حزبی كوردستانە بۆچی رۆژێك بۆ جەریدەش بێت باسی سەربەخۆی و ریفراندۆم وەبیر كوردستانیانیش نا هەڵسوڕێنراوانی خۆیی ناهێنیتەوە, كاكە لەمەشیان گەڕێ تۆ لەوەتەی بە عەرەبی قسە دەكەی یەك رستەمان پێبڵی (استقلال كردستان)ی تێدابێت؟
– سێ: لەخالێكدا باسی گەڕاندنەوەی ئومێدی هاوڵاتیان دەكەی بە موچە, گومانمان لەوە نیە كە تۆ لەخۆتەوە سەیری هاوڵاتیانی كوردستان دەكەیت كە بەرژەوەندیەكی بچوكی بازرگانیت كەوتۆتە ژێر دەستی مالكی رۆژتا ئێوارە بە پیرۆزیەكانی خاكتدا دەرشێیتەوە, مەگەر نا دەتزانی ئەوانەی داوای سەربەخۆی دەكەن بە گیان قوربانیان داوە نەك بە پارەو موچە بۆیە بێ ئومێد نین‌و نابن.
– چوار: ئەرێ بڕیاردان لەسەر دیاری كردنی كاتی ئەنجامدانی ریفراندۆم بە ئیهانەكردنی مافی نەتەوەیی دەزانی, گەلۆ ئەرك نەبێ بێدەنگی ئارم شێخ محمد لەبەرامبەر هێنانەخوارەوەی ئاڵای كوردستان لەكەركووك بەچی دەزانی؟ ئەی هەولەكانی یوسف موحەمەد لە ئەورووپا بۆ پێنەدانی چەك بە پێشمەرگە بەچی دەزانی؟ ئەی سوكایەتیەكانی سرووە بە كەسوكاری شەهیدانی پێشمەرگە بە چی دەزانی؟ ئەی بەكارهێنانی دەستەواژەی میلیشا و گرووپی چەكدار لەبەرامبەر پێشمەرگە بەچی دەزانی؟ ئەی ……هتد؟
لەكۆتایدا , تۆ باسی مافەكانی هاوڵاتیبوون و حوكمی یاساو دیموكراسی دەكەیت, بەكارهێنانی ئەم چەند دەستەواژەیە كۆلەواری تۆ نیشان دەدات كاك هۆشیار, چونكە هەموو ئەمانەی گوتت بە سسیستەمێك رێكدەخرێن كە لە هەناوی دەوڵەتدایە رەنگە نەزانی, بۆ ئێستاش لەبەرامبەر هەریەك لەو چەمكانە ئۆپزسیۆن بوونی حزبەكەت لە رابردوودا بۆ ماوەی چوار ساڵ وەڵامی وردی قسەكانتە. ئیدیش ناهەقت ناگرین واخۆت سەغلەت كردووە بەم پرسە, چونكە تۆش دەزانی كە سەربەخۆ بوین, ئیدی ئەو شێوە دیموكراسیەی تۆ لغاو دەكرێت لغاویشت فڕەدا یاسا حوكمی خۆی دەكات.
