یا دجلە الخیر, جبل الاشم دراوسێ تازه‌كه‌ته
د.محمد خدر مولود
به‌غدا به‌درێژایی مێژوویی دامه‌زراندنی له‌شارێكی رۆمانسیی و ئیرۆتیكی مێژوویی بترازێ گرفتی ئه‌ونده‌نه‌بووه، وه‌ڵێ ژیانی زانستی و حكومرانیه‌تییه‌كه‌ی مایه‌ی ئازارو ئێش و ژان بووه‌بۆ عێراقییه‌كان به‌گشتی و بۆ كوردو كوردستانیانیش به‌تایبه‌تی هه‌ر چه‌وسانه‌وه‌و تواندنه‌وه‌و ره‌مزی دیكتاتۆریه‌ت و تۆتاریه‌ت بووه . به‌كورتی به‌غدا به‌درێژایی قۆناغه‌كانی هه‌ر له ( ئه‌مین و مه‌ئموونه‌وه تا سه‌دام و سه‌رده‌می ئه‌مرۆ ) ترۆپكی ، خیانه‌تی برا له‌برا ، كوده‌تای خوێناوێ ، هاتنه‌سه‌ر حوكم به‌هۆی لووله‌ی چه‌ك و تانكه‌كانی سه‌ر شه‌قام ، لێدان له‌هزری ئازادو بیری نیشتیمانی و نه‌ته‌وه‌یی و دیموكراتی .. لێدان و ڕاوه‌دونانی شوعیه‌كان و علمانیه‌كان و پیاوانی بیر مه‌ندو كه‌ڵه‌رۆشبیران ، به‌راده‌ی ئه‌وه‌ی سه‌دان حه‌لاج سه‌ریان په‌ڕێندراو و سه‌ریان پێهه‌لگیرا یا سه‌رگوم كران و ڕاوه‌دوونران وكه‌سیش گوێی له(انا الحق ) یان نه‌بوو .
ئێستای به‌غدا ،له‌نێوان ملمانێی شیعه‌و سونه‌دا ، له‌چاوتێبڕنی رۆژهه‌ڵات و رۆژئاوای دا به‌تایبه‌تیش گه‌رانه‌وه‌ی ئێرانییه‌كان بۆ ناو باخ و باغاته‌كه‌ی ( باخی داد ) ی سه‌ر رووباری دیجله، و چاویان له‌به‌ستنه‌وه‌ی تارانه‌به‌هۆی دیجله‌وه به‌ده‌ریای سپی ناوه‌راست له‌لایه‌ك و مسۆگه‌ركردنی به‌ستنه‌وه‌ی ئێران له‌سه‌رووی روباری دیجله‌وه‌به‌سوریاوه‌له‌لایه‌كی تردا . له‌وساو ئێستاوه‌ش به‌غدا ی دیجله‌تولخه‌یر ه‌كه‌ی جه‌واهیری كه‌له‌شه‌ڕ زیاتر هێچ خێرو بێری بۆ كورد نه‌بووه‌و
كوردستانییانی ( جبل و ئه‌شه‌م ) یش ، له‌وه‌دڵنیان كه به‌غدا هه‌میشه‌به‌چاوی پله‌دوو سه‌یریان ده‌كا و ئه‌وه‌ی ناوی هاوڵاتیی بوون بێ ، مافی هاونیشتیمانی بوون بێ پێ یانی ڕه‌وا نابینێ .بۆ ئه‌مه‌ش
دووسه‌ده‌له‌حكومرانیه‌تی به‌غدا ، سه‌د ساڵ به‌ر له‌سایكس پیكۆ ، سه‌دساڵ له‌دوایی سایكس پیكۆ وه‌باشترین به‌ڵگه‌ی زیندوی دیكۆمێنتاره‌بۆ ئه‌و جۆره‌حكومداریه‌تییه‌تۆتارییه‌ی به‌غدا،
سیفه‌تێكی دیكه‌ی سه‌یری به‌غدا به‌درێژایی مێژوو ، بریتی بووه‌له‌وه‌ی كاتێ بێهێزو له‌ڕو لاواز و باری سیاسی و سه‌ربازی لار بێ ، به‌كونفه‌یه‌كونێك ده‌بێ به‌دیموكراتخوازو مرۆڤدۆستی ئاشتیخواز ، بانگه‌شه‌ی ده‌وڵه‌تی هاوونیشتیمانی بوون بۆ هه‌موان ده‌كات و له‌شوعییه‌كان ماركسی تر و له‌مه‌لیك مه‌لیكتر ، له‌دیموكراتیان دیمه‌كراتخوازتر ، له‌كوردیش كوردتر ده‌بێ .
به‌پێچه‌وانه‌وه‌ش هه‌ر كاتێ ده‌سه‌ڵاتته‌كه‌ی ، پڕ هێزو چه‌ك و تفاقی جه‌نگی بووبێ ، بێباك له‌پره‌نسیبه‌كانی ماڤه‌كانی مرۆڤ و هاولاتی بوون و هاونیشتیمانی بوونی كۆمه‌ڵگای عێراقی به‌زۆر پێكه‌وه‌لكاو ، به ده‌ها مانۆر و سینارۆیی ئاماده‌كراو ، دڕنده‌ئاسا هه‌ڵمه‌تی قڕكردن ، له‌ناوبردن ، برسیی كردن ، كۆیله‌بون ، به‌جارییه‌كردنی كچان و ژنان ، كیما باران و راگوێزان ، ئه‌نفال و سوتماكردنی خاك پیاده‌ده‌كا ، به‌راده‌یێك مرۆڤ به‌تایبه‌تیش كورد له‌تاقیگاكانی به‌غدا دا ( أصغر من ألحشرە قاتله ) یه !!! .
ئایا كه‌س هه‌یه‌ئه‌م ده‌سته‌واژه‌یه‌ی ئه‌نجوومه‌نی سه‌ركردایه‌تی شۆرشی رژێمی سه‌دامی له‌بیر چووبێ ( ێ‌صغر من الحشرە قاتلە ) ؟ .. كه‌دوایی پرۆسه‌به‌دناوه‌كه‌ی ئه‌نفال چ كارێكی به‌د ڕه‌وشتی نه‌ما به‌كوردی نه‌كا و به‌ئاشكراش له‌به‌غداوه‌له‌به‌رده‌م دارو ده‌سته‌كه‌ی به‌ده‌سته‌واژه‌ی سه‌یرو سه‌مه‌ره‌ی به‌كارده‌هێنا وه‌ك (حه‌رام كردنی خواردنه‌وه‌ی ئاوی دجله‌ی له‌كوردو قه‌ده‌غه‌كردنی له‌سه‌ركردایه‌تی سیاسی كورد و…تد )، خۆ خودی سه‌دام ده‌یزانی
كه‌سه‌رچاوه‌پاكه‌كه‌ی ئاوی دیجله‌له‌خاكی به‌پیت و، له‌چیا سه‌ركه‌شه‌كانی كوردستانه‌وه، جه‌واهیری گوته‌نی له(جبل الاشم ) ه‌وه‌هه‌ڵده‌قوڵێ. ئه‌و كه‌به‌مه‌به‌ست و ماناوه‌وای گوت ،له‌ڕوانگه‌ی ئه‌و به‌رنامه‌یه‌دا بوو، له‌دوای نسكۆی شۆرشی ئه‌یلول له١٩٧٤ به‌ره‌و سه‌ره‌وه تا ١٩٨٨ پرۆسه‌ی تواندنه‌وه‌ی كوردستانی ده‌ست پێكردبوو ، له‌هه‌ندێ ناوچه‌ی پێده‌شته‌كانی كوردستانیش دا خه‌ریك بوو ده گه‌ییه‌ترۆپكی مه‌به‌ست .
ئای له‌و سیاسه‌ته‌به‌د ئه‌مه‌كی و بێمۆراڵ و ناجێگیری
حكومه‌ته‌یه‌ك له‌دوا یه‌كه‌كانی به‌غدا.
هه‌ر ده‌رفه‌تیان بووبێ مارئاسا ژه‌هری كوشنده‌ی ته‌عریب و ته‌بعیس و سوتماك و قڕكردن و جینۆسایدیان ڕشتووه .
وه‌لێ ئێستا كوردی مارانگه‌سته، چیتر ئاماده‌نییه‌ببێته‌قوربانی بێمۆڕاڵی سیاسه‌تی ناجێگیر و بێئامانی به‌غدای جله‌و به‌ده‌ستی ئه‌م و ئه‌و .
ئێستا كوردستانیان پرۆسه‌ی مافی سروشتی خۆیان پیاده‌ده‌كه‌ن و به‌به‌ڵێ به‌ره‌و پیری ریفڕاندۆم و سه‌ربه‌خۆیی كوردستان ده‌چن و نایانه‌وێت له‌دوای نه‌مانی تیرۆرستانی داعش ئاینده‌ی نیشتیمانه‌كه‌یان نادیارو پر له‌مه‌ترسیی دا بێ ،
ئێستا كوردستانیانی موچه براو له‌لایه‌ن به‌غداوه، به‌سكێ تێرو ده‌یانی برسی ، به‌سه‌ری به‌رزی باوه‌ڕ به‌ئاینده‌بوون بۆ به‌ڵێ .. بۆ سه‌ر به‌خۆ بوون .. بۆ ریفراندۆم ده‌نگ ده‌داو .. ده‌ڵێ :
ئه‌وه‌ده‌نگی ئه‌و گه‌له‌یه‌كه..
شعب دعائمه الجماجم والدم تتحگم الدنیا ، ولا یتحگم … ئه‌و ه‌ده‌نگی ملیۆنان ده‌نگده‌ری كپكراوه، بۆ سه‌ربه‌خۆیی ڕابووه.. ئه‌وه‌ده‌نگی نیشتیمانیانی :
یا (موگن الابگال ) ه.. و (باسم اڵامین المصگفی من ێ‌مته ) ….
له‌ڕابوون و هه‌ڵسانه‌وه‌دایه‌به‌ره‌ی ده‌نگدان بۆ سه‌ربه‌خۆیی فره‌وانتر ده‌كات و هه‌موو كێشه‌و گرفته‌ناوخۆییه‌كان وه‌لاده‌نێ و ده‌ڵێ :
به‌غدا .. وڵاتی تازه‌ی كوردستان – الجبل الاشم – دراوسێته. هه‌ڵسه. سڵاوی دراوسێی تازه‌ی لێبكه‌و به‌خێری بێنه، گه‌ر دراوسێیه‌كی باشت ده‌وێ . ئه‌وه‌ئه‌م دراوسێی تازه‌یه‌ت ، ناوی كوردستان – جبل الاشم – ه، ئه‌و نیشتیمانه‌كه( موگن الابگال ) به‌ناوی ( اڵامین المصگفی من امته ) له‌مێژوودا تۆمار كراوه.
