له تازه‌ترین ریزبه‌ندی فیفا بۆ هه‌ڵبژارده‌كانی جیهان ئه‌ڵمانیا پێشه‌نگی له به‌رازیل وه‌رگرت
یەکێتی تۆپی پێی جیھان ناسراو بە فیفا نوێترین ریزبەندی مانگانەی ھەڵبژاردەکانی تۆپی پێی جیھانی بڵاو کردەوەو دوای ئەوەی بەرازیل لە مانگی پێشوو لە پلەی یەکەم بوو بۆ ئەم مانگە دابەزیوەتە پلەی دووەم و ئەڵمانیا شوێنی گرتۆتەوە.
ماڵپەری فەرمی فیدراسیۆنی تۆپی پێی جیھان نوێترین ریزبەندی ھەڵبژاردەکانی جیھانی بڵاوکردووەتەوە و تێیدا هاتووه” كه هه‌ڵبژارده‌ی ئەڵمانیا بە کۆکردنەوەی ١٦٠٦ خاڵ لە پلەی یەکەمی ریزبەندەکەدایە و بەرازیلیش لەپلەی دووەمە بە ١٥٩٠ خاڵ.
لە ریزبەندەکەدا ئەوەی جێگەی سەرنجە ھەڵبژاردەی ئیسپانیا لەنێو ١٠ ھەڵبژاردەی یەکەمدانییە و بە کۆکردنەوەی ١١٨٤ خاڵ پلەی یازدەیەمی گرتووە و ئینگلتەراش سەرەرای ئەو ئاستە بەرزەی لە پاڵاوتنەکانی مۆندیالدا پێشکەشیدەکات لە پلەی پازدەیەمە و خاوەنی ١٠٥٦ خاڵە.
لە ریزبەندەکەدا ھەڵبژاردەی عێراق لە پلەی ٨٨دایە و خاوەنی ٤٠٠ خاڵە، ھەڵبژاردەی ئێرانیش دوای ئەوەی گەیشتە مۆندیال لە پلەی ٢٥ی ریزبەندە و پێشەنگی ریزبەندی ھەڵبژاردەکانی ئاسیای گرتووە بە کۆکردنەوەی ٨٦٥ خاڵ.
