له‌به‌ر ئه‌م هۆكارانه با هه‌میشه مۆز له‌و خۆراكانه بێت رۆژانه ده‌یانخۆین
میوه و سه‌و‌زه هه‌میشه دهبێت له‌و خۆراكانه بن رۆژانه ده‌یانخۆین، سودێكی یه‌كجار زۆریان بۆ ته‌ندروستی هه‌یه، به‌تایبه‌ت مۆز چه‌ندین سودی گرنگی بۆ مرۆڤ هه‌یه.
5 سودی مۆز بۆ ته‌ندروستی:
1. هاوسه‌نگی په‌ستانی خوێن ده‌پارێزێت:
مۆز بڕێكی یه‌كجار زۆر “پۆتاسیۆم”ی تێدایه، پۆتاسیۆم ده‌بێته هۆی فراوان بونی بۆریه‌كانی خوێن، ئه‌مه‌ش واده‌كات، كاری گواستنه‌وه‌ی خوێن ئاسان بكات و په‌ستانی خوێن داده‌به‌زێنێت.
له‌شی مرۆڤ رۆژانه 4.500 ملی گرام پۆتاسیۆمی پێویسته، به خواردنی ته‌نها مۆزێك بڕی 378 ملی گرام پۆتاسیۆمان ده‌ست ده‌كه‌وێت.
2. ده‌بێته هۆی نه‌هێشتنی خه‌مۆكی:
مۆز پێكهاته‌یه‌كی كیمیایی تێدایه، ئه‌و ئه‌نزیمانه‌ی له‌ش ده‌ریانده‌دات، خه‌مۆكی دروستده‌كه‌ن، ده‌یانگۆڕێت بۆ پێكهاته‌یه‌كی دیكه به‌مه‌ش بۆ ئه‌و كه‌سانه‌ی توشی ئه‌م كێشه‌یه بون سودی زۆری دهبێت.
به‌ڵام ئه‌گه‌ر رێژه‌ی خه‌مۆكیه‌كه زۆر بوو، پێویسته سه‌ردانی پزیشكی تایبه‌ت بكه‌ین.
3. كێشی له‌ش داده‌به‌زێنێت:
مۆز له‌پێكهاته‌كه‌ی ڤیتامین B6 هه‌یه، ده‌بێته‌هۆی پاراستنمان له نه‌خۆشی شه‌كره‌ی جۆری 2، هه‌روه‌ها له زیاد بونی، كێشی له‌ش ده‌مانپارێزێت، خواردنی مۆز تێرمانده‌كات و، بڕێكی زۆر وزه‌مان پێده‌به‌خشێت و له نان خواردنی زۆر دورمانده‌خاته‌وه.
4. ئێسكه‌كان به‌هێز ده‌كات:
سه‌ره‌ڕای ئه‌وه‌ی مۆز هیچ بڕه كالیسیۆمێكی تێدانیه، به‌ڵام به‌هۆی بونی “fructooligosaccharides” ئه‌م جۆره مادده‌یه وا له كالیسیۆمی له‌ش ده‌كات، یارمه‌تی ئێسكه‌كان بده‌ن له پته‌وبون.
5. چاوه‌كان به‌هێز ده‌كات:
مۆز به‌هۆی بونی ڤیتامین A له پێكهاته‌كه‌ی، توانای بینین زیادده‌كات، هاوشێوه‌ی گێزه‌ر كه بیتا كاربۆنی تێدایه، به‌ڵام به هه‌مانشێوه زۆربونی له ڕاده‌به‌ده‌ری ئه‌م دوو پێكهاته‌یه له له‌ش زیانی ته‌ندروستی دهبێت.
